బిగ్ బాస్ మూడో వారానికి వచ్చే సరికి ఇంట్లో 14 మంది సభ్యులు ఉండగా.. హేమ, జాఫర్‌లు ఎలిమినేట్ అయ్యారు. ఇక వైల్డ్ కార్డ్ ద్వారా హౌస్‌లోకి ఎంట్రీ ఇచ్చిన తమన్నా వయోలెన్స్‌గా మారింది. గత రాత్రి ఎపిసోడ్‌లో శ్రీముఖి ఇంటి నియమాలను పాటించలేదనే కారణంతో ఆమెను ఇంటి నుండి బయటకు పంపే నిర్ణయానికి వచ్చారు బిగ్ బాస్.
ఇంకా శ్రీముఖిని ఇంటి నుండి పంపిస్తున్నట్టుగా స్టార్ మా విడుదల చేసిన ప్రోమో సస్పెన్స్‌గానే ఉంది. ఈ ప్రోమోలో ''రూల్స్ బ్రేక్ చేశారు కాబట్టి.. శ్రీముఖి ఇంటి నుండి బయటకు'' అని బ్రేక్ ఇవ్వడాన్ని బట్టి ఇదేదో షోకి హైప్ తీసుకువచ్చే కార్యక్రమంలో భాగమే అని తెలుస్తూనే ఉంది. సో.. శ్రీముఖిని ఇంటి నుండి పంపే సాహసం అయితే బిగ్ బాస్ చేయడు. కాని జస్ట్ వార్నింగ్ ఇస్తూ శిక్ష విధిస్తారు. శ్రీముఖి కంగారు పడాల్సిన అవసరం లేదని అమ్మడు ఆర్మీ చెప్తోంది.
