అతిలోక సుందరిగా సినీ ఇండస్ట్రీలో పేరు తెచ్చుకున్న శ్రీదేవి తన నటనతో ఎన్నో అవార్డులను అందుకుంది. భారత ప్రభుత్వం 2013లో అత్యున్నత పురస్కారాల్లో ఒకటైన పద్మశ్రీతో సత్కరించింది. శ్రీదేవి తన సినీ కెరీర్‌లో 14 సార్లు ఫిలింఫేర్‌కు నామినేట్ కాగా... నాలుగు సార్లు ఉత్తమనటిగా, రెండుసార్లు స్పెషల్ జ్యూరీ లభించాయి.
అలాగే 1996 జూన్‌లో ప్రముఖ బాలీవుడ్ నిర్మాత బోనీకపూర్‌ను వివాహం చేసుకుంది. వీరికి జాన్వి, ఖుషీఅనే ఇద్దరు కుమార్తెలున్నారు. వివాహానంతరం సినిమాకు బ్రేక్ ఇచ్చిన శ్రీదేవి 2012లో ''ఇంగ్లీష్ వింగ్లీష్'' చిత్రంతో రీ ఎంట్రీ ఇచ్చారు. తమిళంలో ''పులి'', హిందీలో ''మామ్'' ఆమెకు చివరి చిత్రాలు. ఆమె దివికేగినా.. చిరస్థాయిగా ప్రేక్షకుల మదిలో నిలిచిపోయింది. ప్రస్తుతం శ్రీదేవి వారసురాలిగా జాన్వీ కపూర్ దడఖ్ చిత్రంతో తెరంగేట్రం చేసింది.
