కర్నాటక మంత్రి సెక్స్ ఫర్ జాబ్ కేసు: మీలో ఎవ్వరికీ అక్రమ సంబంధాలు లేవా? సత్యహరిశ్చంద్రులా?

కర్నాటక మంత్రి జర్కిహోలి సెక్స్ ఫర్ జాబ్ కేసు కర్నాటక అసెంబ్లీని కుదిపేస్తోంది. మంత్రి చేసిన పనికి మద్దతుగా నిలుస్తున్న ఆరుగురు మంత్రులు తక్షణమే తమ పదవులకు రాజీనామా చేయాలని ప్రతిపక్షాలు పట్టుబడుతున్నాయి. ఈ క్రమంలో కర్నాటక ఆరోగ్య మంత్రి సుధాకర్ రాష్ట్ర అసెంబ్లీలో 225 మంది ఎమ్మెల్యేలకు ఓపెన్ ఛాలెంజ్ విసిరారు.

ఆయన మాట్లాడుతూ... మీరంతా సత్యహరిశ్చంద్రులని అనుకుంటున్నారా? మొత్తం 225 మంది ఎమ్మెల్యేలు విచారణకు అంగీకరించండి. ఎవరికి అక్రమ సంబంధాలు ఉన్నాయో, ఎవరు ఏకపత్నీవ్రతులో చూద్దాం అంటూ సవాల్ విసిరారు.

ఈ వ్యాఖ్యలపై భాజపాతో పాటు ఇతర ఎమ్మెల్యేలు, స్పీకర్ కూడా అభ్యంతరం వ్యక్తం చేసారు. సిద్ధరామయ్య మాట్లాడుతూ... ఇది ఎమ్మెల్యేల సభాహక్కుల ఉల్లంఘన కిందకి వస్తుందన్నారు. శివకుమార్ మాట్లాడుతూ... తనకు కేవలం ఒకే ఒక్క భార్య మాత్రమే వున్నదని చెప్పడం విశేషం.