ప్రేమ మధురమైనది. ఈ ప్రేమను వ్యక్తపరిచేందుకు ప్రేమికులు వివిధ రకాలుగా ప్రయత్నిస్తుంటారు. మనసులోని ప్రేమను ప్రేయసి లేదా ప్రియుడికి వ్యక్తపరచడానికి ఒక్కొక్కరు ఒక్కో మార్గాన్ని ఎన్నుకుంటారు. అవతలివాళ్లు యాక్సెప్ట్ చేసినా, చేయకపోయినా లైఫ్‌లో అదో బెస్ట్ మూమెంట్‌గా నిలిచిపోవాలని భావిస్తారు.
తాజాగా పాకిస్థాన్‌లో ఒక అమ్మాయి తన ప్రేమను వ్యక్తపరిచిన విధానం నెటిజన్ల మనసులను తాకుతుంది. మాములుగా ఒక అబ్బాయి నేలమీద మోకరిల్లి, ఒక అమ్మాయికి ప్రపోజ్ చేస్తున్న సంద్భాలు చాలా చూశాం. అయితే, ఇప్పుడు వైరల్ అయిన వీడియోలో, ఒక అమ్మాయి నేలమీద మోకరిల్లి ఇష్టపడ్డ వ్యక్తికి తన ప్రేమను వ్యక్తం చేస్తోంది. వీడియోలో ఒక టేబుల్ నిండా పూల రేకులు ఉన్నాయి.
ఒక అమ్మాయి చేతిలో ప్లవర్ బొకేతో నేలపై మోకరిల్లింది. ఆమె ముందు నల్ల చొక్కాలో అందమైన అబ్బాయి నిలబడి ఉన్నాడు. ఆమె మోకాళ్లపై నేలపై కూర్చుని… పుష్పగుచ్చం ఇచ్చి తన ప్రేమను వ్యక్తపరిచింది. అవతల అబ్బాయి కూడా ఆమె ప్రతిపాదనను అంగీకరించి అమ్మాయి చేతిలో నుంచి బొకేను తీసుకున్నాడు. ఈ జంట పూర్తి వివరాలు తెలియదు కానీ.. ప్రస్తుతం ఈ వీడియో వైరల్‌గా మారింది.
