ఖడ్గమృగం ఎలా ఉంటుందో మనం చూసే ఉంటాం, కానీ అది వెంటపడడం ఎప్పుడైనా చూసారా? టూరిస్ట్‌లపైకి అమాంతం ఎలా దూసుకువచ్చిందో ఈ వీడియో చూస్తే మీకే తెలుస్తుంది. వెన్నులో వణుకుపుట్టించేలా ఉన్న ఈ వీడియో ప్రస్తుతం సోషల్ మీడియాలో వైరల్‌గా మారింది.
రియాన్ బోసోఫ్ అనే టూరిస్టు సఫారీ పార్కులో వీడియో షూట్ చేస్తూ వెళ్తున్నాడు. తన వాహనంలో ఉండి అక్కడి జంతువులను చూస్తూ వీడియో తీస్తున్నాడు. ఇంతలో ఒక తెల్లని ఖడ్గమృగం అతడి కంట పడింది. దానిని వీడియో తీయడం ప్రారంభించాడు. అయితే రియాన్‌ను చూసిన ఖడ్గమృగం వేగంగా చాలాదూరం తరిమింది. కనీసం రెండు నిమిషాల పాటు వెంటాడింది.
