ఓపెన‌ర్‌గా క్రీజులోకి వ‌చ్చిన డేవిడ్ వార్నర్ 38 పరుగుల వ్య‌క్తిగ‌త స్కోరువ‌ద్ద వికెట్ కోల్పోయాడు. టెస్టుల్లో ఉమేశ్ యాదవ్ బౌలింగ్‌లో వార్నర్ అవుట్ కావడం ఇది ఐదోసారి కావడం గమనార్హం. ఈ మ్యాచ్ ముందు వ‌ర‌కు ఆస్ట్రేలియా బౌలర్ షాన్ మార్ష్ ఐదుసార్లు అత్యధికంగా ఒక ఆటగాడిని అవుట్ చేసిన బౌల‌ర్‌గా ఉన్నాడు. ఇప్పుడు ఉమేశ్ యాదవ్ కూడా అతని సరసన చేరిపోయాడు. గురువారం నాటి ఇన్నింగ్స్ ద్వారా వార్నర్ ఐదోసారి ఉమేష్ యాదవ్ బౌలింగ్‌లో అవుట్ అయ్యాడు. తద్వారా ఉమేశ్ ఆస్ట్రేలియా బౌలర్ షాన్ మార్ష్‌తో సంయుక్తంగా అగ్రస్థానంలో నిలిచాడు.
అంతకుముందు టాస్ గెలిచిన ఆస్ట్రేలియా బ్యాటింగ్ ఎంచుకుంది. ఓపెనర్లుగా బరిలోకి దిగిన రెన్షా (36), వార్నర్ (38) పరుగుల వద్ద అవుట్ అయ్యారు. ప్రస్తుతం స్మిత్ (11), మార్ష్ (10) క్రీజులో ఉన్నారు. ఫలితంగా 39.2 ఓవర్లలో ఆస్ట్రేలియా ఒక వికెట్ పతనానికి 104 పరుగులు సాధించింది.
