వర్షాకాలం, చలికాలంలో ఈగలు దోమలు బాధ ఎక్కువగా ఉంటుంది. వీటిని నివారించడానికి అనేక మందులను ఉపయోగిస్తాము. వీటివలన మన ఆరోగ్యం పాడైపోతుంది. అందువల్ల ప్రకృతి సహజమైన పద్ధతులను పాటించాలి. డైనింగ్ టేబుల్ మధ్యలో పూదీన ఆకులను ఉంచండి. దీని వాసనకు ఈగలు, దోమలు పారిపోతాయి.
మన ఇంట్లో వాడుకునే వెల్లుల్లిపాయలను రోజుకు రెండు రేకులను కాల్చితే చాలు దోమలు రమ్మన్నా రావు. అంతేకాదు బెడ్రూమ్‌లో ఒక పాత్రలో నీళ్ళు పోసి అందులో కర్పూరపు బిళ్ళులు వేసి పెట్టండి. అరటి, మామిడి తొక్కలను, వేపాకులను ఎండబెట్టి వాటిని కాల్చితే వచ్చే పొగకు దోమలు రాకుండా ఉంటాయి.
