రైలులో కూర్చుని గోళ్లు తీసుకుంటున్న వ్యక్తిని చూసి ప్రయాణీకులంతా పరుగులు తీశారు. లండన్‌లోని ట్యూబ్ ట్రైన్‌లో ఈ ఘటన చోటుచేసుకుంది. వివరాల్లోకి వెళితే.. గోళ్లు తీసుకునేందుకు టైమ్ లేక ఓ వ్యక్తి రైలులో కూర్చుని హ్యాపీగా నెయిల్ కటర్‌తో గోళ్లు తీసుకుంటున్నాడు. అప్పుడు టిక్ మంటూ ఏదో శబ్ధం రావడంతో ప్రయాణీకులు అతను ఓ ఉగ్రవాది అంటూ పరుగులు తీశారు.
ప్రపంచ వ్యాప్తంగా ఉగ్రదాడులు జరుగుతున్న నేపథ్యంలో ఉగ్రవాదుల పట్ల అప్రమత్తంగా వుండాలని ప్రజలకు పోలీసులు హెచ్చరికలు జారీ చేశారు. అయితే ప్రజలు ఈ విషయంలో అతి జాగ్రత్త పాటిస్తున్నారు. ఉగ్రవాదుల భ‌యంతో అనుమానాస్పదంగా ఎవ‌రయినా క‌నిపిస్తే పరుగులు తీస్తున్నారు. ఇటువంటి ఘ‌ట‌నే లండన్‌లోని ఓ రైల్లో చోటు చేసుకుంది.
