బిగ్ బాస్ విన్నర్ రాహుల్ సిప్లిగంజ్‌తో ప్రేమాయణం నడుపుతున్నట్లు పునర్నవి భూపాలంపై రూమర్స్ వచ్చిన సంగతి తెలసిందే. బిగ్ బాస్ పుణ్యామా అని రాహుల్, పునర్నవిలు మంచి క్రేజ్ సంపాదించుకున్నారు. బిగ్ బాస్ కంటే ముందు ఒకటి రెండు సినిమాల్లో నటించిన పునర్నవి.. బిగ్ బాస్ కంటే ముందు తక్కువ మందికే తెలుసు. సినిమాల్లో పాటలు పాడే రాహుల్ సిప్లిగంజ్ కూడా జనాలకు పెద్దగా తెలియదు.
బిగ్ బాస్‌లో క్లోజ్ ఫ్రెండ్స్ అయిన రాహుల్ సిప్లిగంజ్, పునర్నవి భూపాలం, వితిక, వరుణ్ సందేశ్ గ్రూప్ యాంకర్ రవికి ఇంటర్వ్యూ ఇచ్చారు. ఆ సందర్భంగా తమపై వస్తున్న పుకార్లకు ఫుల్ స్టాప్ పెట్టేసింది పునర్నవి. రాహుల్ ఏంటో నాకు బాగా తెలుసని.. అతడిపై ఎంతో గౌరవం ఉందని తెలిపింది. ఎంత తిట్టినా, ఎంత కొట్టినా జీవితంలో అతడు గెలవాలని కోరుకున్నట్లు చెప్పింది పునర్నవి. హౌస్‌లో ఒకొరికొకరు కలిసిమెలసి ఉన్నామని.. రాహుల్‌కు ఎంతో హెల్ప్ చేశానని చెప్పింది.
ఓ ఫ్రెండ్‌గా మనస్ఫూర్తిగా సాయం చేశానని, అంతే తప్ప ఏదో ఆశించి హౌస్‌మేట్స్‌కు సాయం చేయలేదని పున్ను చెప్పుకొచ్చింది. రాహుల్‌తో కూడా ఫ్రెండ్‌గానే మెలిగానని.. జనాలు ఎలా తీసుకుంటారో వాళ్లిష్టమని చెప్పుకొచ్చింది.
