‘వెంకటాపురం బంగ్లా డీటెయిల్స్ కావాలి’.. ‘ఆ బంగ్లా గురించి మీకు తెలుసా?’ ‘అది దెయ్యాల కొంప’.. ఇలా మూడు డిఫరెంట్ క్యారెక్టర్స్ చెప్పే డైలాగ్స్ తో మొదలైన ట్రైలర్ ఆద్యంతం ఆకట్టుకుంది. ట్రైలర్ లో హారర్ ఎలిమెంట్స్ ఎక్స్ ట్రార్డినరీ గా వున్నాయి. రితికా సింగ్ టెర్రిఫిక్ పెర్ఫార్మెన్స్ తో కట్టిపడేసింది. శ్రీరామ్ పాత్ర కూడా కీలకంగా వుంది. దర్శకురాలు మృతిక సంతోషిణి చాలా గ్రిప్పింగ్ నేరేషన్ తో ఈ సినిమాని రూపొందించారని ట్రైలర్ చూస్తుంటే అర్ధమౌతుంది. కెమరాపనితనం, బ్యాక్ గ్రౌండ్ స్కోర్, ప్రొడక్షన్ డిజైన్ టాప్ క్లాస్ లో వున్నాయి. మొత్తానికి ట్రైలర్ సినిమాపై చాలా క్యురియాసిటీని పెంచింది.
శ్రీరామ్ మాట్లాడుతూ..దర్శకురాలు సంతోషిణి చాలా క్లారిటీ ఈ సినిమా తీశారు. ఈటీవీ యాజమాన్యానికి ధన్యవాదాలు. రితికా సింగ్ చాలా అద్భుతంగా నటించింది. ఈ సినిమా కోసం తను ఫైట్స్ ని చాలా సహజసిద్ధంగా చేశారు. చాలా అంకిత భావంతో పని చేశారు. ‘వ‌ళ‌రి’లో చాలా పాత ఆయుధాలని వాడటం జరిగింది. ఈ కథ, కథనం ప్రేక్షకులకు కొత్త అనుభవాన్ని ఇస్తుంది. మా ట్రైలర్ ని లాంచ్ చేసిన హరీష్ శంకర్ గారికి ధన్యవాదాలు. మార్చి 6నఈటీవీ విన్ లో అందరూ ఈ సినిమా చూడాలి' అని కోరారు.
రితికా సింగ్ మాట్లాడుతూ.. చాలా రోజుల తర్వాత తెలుగు సినిమా చేస్తున్నాను. ఈ సినిమా వండర్ ఫుల్ జర్నీ. ఇది నా ఫేవరేట్ కథ. దర్శకురాలు సంతోషిణి చాలా అద్భుతంగా చిత్రీకరించారు. ఈ సినిమాతో తనకి చాలా మంచి పేరు వస్తుంది. ఇందులో నా పాత్రలో చాలా లేయర్స్ వున్నాయి. శ్రీకాంత్ గారు, సుబ్బరాజు గారు, ఉత్తేజ్ గారు లాంటి నటులతో పని చేయడం గొప్ప అనుభవం. నిర్మాతలకు ధన్యవాదాలు. మా ట్రైలర్ ని లాంచ్ చేసిన హరీష్ శంకర్ గారికి ధన్యవాదాలు. మార్చి 6నఈటీవీ విన్ లో అందరూ తప్పకుండా చూడాలి’ అని కోరారు.
దర్శకురాలు ఎం మృతిక సంతోషిణి మాట్లాడుతూ.. రితికా సింగ్ అద్భుతమైన పెర్ఫార్మెన్స్ తో సినిమాకి బలం తీసుకొచ్చారు. శ్రీరామ్ గారితో పని చేయాలని ఎప్పటినుంచో అనుకున్నాను. ఉత్తేజ్ గారు, సుబ్బరాజు ఇలా అందరితో కలసి పని చేయడం చాలా ఆనందాన్ని ఇచ్చింది. తమ్మిరాజు గారు నా సినిమాకి ఎడిటర్ కావడం అదృష్టంగా భావిస్తున్నాను. సాయిబాబు గారికి ధన్యవాదాలు. 'వ‌ళ‌రి’ అనేది ఒక ఆయుధం. ఒక బూమరంగ్ లా పని చేస్తుంది. మనం ఏం చేసిన కర్మ తిరిగి మన వద్దకే వస్తుంది. ఇందులో రితికా పాత్రకు 'వ‌ళ‌రి’అనేది యాప్ట్ టైటిల్. ఈ సినిమా నిర్మాణంలో నిర్మాతలు చాలా స్వేఛ్చ ఇచ్చారు. బాపినీడు గారికి ధన్యవాదాలు. సినిమా తప్పకుండా మీ అందరికీ నచ్చుతుంది’’ అన్నారు. సుబ్బరాజు, ఉత్తేజ్, తమ్మిరాజుతో పాటు చిత్ర యూనిట్ సభ్యులంతా పాల్గొన్న ఈ వేడుకు చాలా గ్రాండ్ గా జరిగింది.
