శ్రీరెడ్డి వ్యవహారం తెలుగు సినీ పరిశ్రమను ఒక కుదుపు కుదిపేస్తోంది. ఇప్పటికే పవన్ కళ్యాణ్‌‌ను టార్గెట్ చేస్తూ శ్రీరెడ్డి చేసిన వ్యాఖ్యలు తీవ్ర దుమారాన్ని రేపుతుంటే ఆ విషయంపై ఒక్కొక్కరు ఒక్కో విధంగా స్పందిస్తున్నారు. మా అసోసియేషన్ మొత్తం ఏకమై పవన్ కళ్యాణ్‌‌కు అండగా నిలబడింది. ఇదంతా బాగానే ఉన్నా కొంతమంది నటులు మాత్రం పవన్ కళ్యాణ్‌ - శ్రీరెడ్డి వ్యవహారంపై మాత్రం ఆచితూచి స్పందిస్తున్నారు. వారి గొడవ మనకెందుకులే అన్న భావనతో కొంతమంది నటులు ఉన్నారు.
ఇంతలో మీడియా ప్రతినిధులు బ్రహ్మానందంను... సర్.. శ్రీరెడ్డి-పవన్ కళ్యాణ్‌ వ్యవహారం తెలుగు సినీ పరిశ్రమను ఇబ్బందుల్లో పెట్టింది కదా.. ఆ విషయంపై మాట్లాడండి అనగానే బ్రహ్మానందం ఒక్కసారిగా పరుగులు ప్రారంభించాడు. వామ్మో అంటూ మీడియా కెమెరాలను తోసేసి కారెక్కి వెళ్ళిపోయారు. బ్రహ్మానందం పరుగులు పెట్టడం చూసిన భక్తులు కూడా నవ్వుకున్నారు.
