టీవీ 9 పేరు చెప్పి, అంద‌రినీ బెదిరించ‌డం, డబ్బులు డిమాండు చేయ‌డం ఆయ‌న‌కు ప‌రిపాటి. అయితే, అంతా ఆయ‌న టీవీ 9 రిపోర్టర్ గా భావించి, మ‌ర్యాద ఇవ్వ‌డం చేసేవారు. కానీ, ఇపుడు ఒక్క‌సారిగా తేలిపోయింది. అత‌ను రిపోర్టర్ కాదు...నకిలీ అని.
అత‌ను కొంత మందిని టీవీ 9 పేరుతో బెదిరించి, డబ్బులు వసూళ్ళ‌కు పాల్పడుతునట్లు పోలీసుల‌కు ఇప్ప‌టికే ఫిర్యాదులు అందాయి. ఈ నకిలీ విలేక‌రి వేమూరి విద్యాసాగర్ పై పోలీసులు ఒక కంట క‌నిపెడుతూనే ఉన్నారు. ఇపుడు అవ‌కాశం దొర‌క‌డం, ఫిర్యాదులు గ‌ట్టిగా రావ‌డంతో అరెస్ట్ చేశారు. ఈ నకిలీ విలేకరిపై ఐపిసి 417, 419 సెక్షన్ల కింద ఎస్ఐ రంజిత్ కుమార్ కేసు నమోదు చేశారు.
