వైసీపీ నుంచి జంప్ అయి తెదేపాలో చేరిన ఎమ్మెల్యే జలీల్ ఖాన్ తనదైన వ్యాఖ్యలను ఈసారి పవర్ స్టార్ పవన్ కళ్యాణ్ పైన చేశారు. ఎన్నికల్లో పోటీ చేస్తే తను జనసేన చీఫ్ పవన్ కళ్యాణ్ పైన కూడా 10 ఓట్ల తేడాతో గెలిచే సత్తా వుందని చెప్పుకున్నారు. తనకు ఎన్నికలంటే అసలు భయం లేదనీ, ఎన్నికల్లో తను ఎక్కడ పోటీలో దిగినా తనకు పోటీగా దిగిన అభ్యర్థి చిత్తుచిత్తుగా ఓడిపోవడం ఖాయమన్నారు. ఆఖరికి జనసేన చీఫ్ పవన్ కళ్యాణ్ అయినాసరే తనపై ఓడిపోవడం ఖాయమని అన్నారు.
