నారాయణ కళాశాలలో మరో విద్యార్థిని యవ్వన ఆత్మహత్య(వీడియో)

కారణాలు ఏమయినప్పటికీ నారాయణ కళాశాలలో చదివే విద్యార్థుల్లో కొంతమంది ఆత్మహత్యలు చేసుకోవడం చర్చనీయాంశంగా మారుతోంది. తాజాగా తిరుపతి న్యూ బాలాజీ కాలనీలోని నారాయణ కళాశాల హాస్టల్‌లో యవ్వన అనే విద్యార్థిని ఆత్మహత్య చేసుకుంది. కళాశాలలోని తన గదిలో ఫ్యాన్‌కు ఉరి వేసుకుని ఆత్మహత్య చేసుకున్నది.

చిత్తూరు జిల్లా బంగారుపాళ్యెం మండలానికి చెందిన యవ్వన తిరుపతి నారాయణ కళాశాలలో ఇంటర్ మొదటి సంవత్సరం చదువుతోంది. మూడు రోజుల క్రితం తన అన్నతో కలిసి సొంత ఊరికి వెళ్ళివచ్చింది. ఆ తరువాత ఏం జరిగిందో తెలియదు కానీ తమతో కలవకుండా ముభావంగా ఉండేదని యవ్వన స్నేహితులు చెబుతున్నారు. అయితే నిన్న రాత్రి స్టడీ అవర్‌లో యవ్వన స్నేహితులందరూ కళాశాల ఆవరణలో చదువుకుంటూ వుండగా యవ్వన తన గదిలో ఫ్యాన్‌కు ఉరివేసుకుని ఆత్మహత్య చేసుకుంది. 

విద్యార్థిని ఆత్మహత్య విషయాన్ని గోప్యంగా ఉంచిన నారాయణ కళాశాల యాజమాన్యం మృతదేహాన్ని రుయా ఆసుపత్రి మార్చురికి పంపించేశారు. నారాయణ కళాశాల యాజమాన్యంపై విద్యార్థి సంఘాలు మండిపడుతున్నాయి. వీడియో చూడండి...