కోనసీమ అల్లర్లు తెలుగురాష్ట్రాలను ఉలిక్కిపడేలా చేయడమే కాకుండా.. దేశవ్యాప్తంగా పెద్ద చర్చనీయాంశంగా మారాయి. కోనసీమ జిల్లాకు అంబేద్కర్ పేరు పెట్టడంతో తీవ్ర దుమారమే రేగింది. కోనసీమ జిల్లాకి అంబేద్కర్ పేరు వద్దని, ప్రభుత్వం తీసుకున్న నిర్ణయాన్ని తక్షణమే వెనక్కు తీసుకోవాలని నిరసిస్తూ భారీ విధ్వంసమే సృష్టించారు ఆందోళనకారులు.
తాజా సమాచారం ప్రకారం ఇప్పటి వరకు 71 మంది ఆందోళనకారులను అదుపులోకి తీసుకున్నట్లు, ఇంకా 48 మందిని విచారిస్తున్నట్లు పోలీసులు వెల్లడించారు. అయితే ఈ ఘటనకు పాల్పడిన వారిలో సగానికి పైగా గతంలో రౌడీ షీటర్లుగా ఉన్నవారిగా తేలినట్లు తెలుస్తుంది.
పోలీసుల అదుపులో ఉన్న ఆందోళనకారులు ఈ ఘటనల వెనుక ఉన్నవారు ఎవరో అసలు నిజాలు చెప్పినట్లు, రాతపూర్వకంగా వాంగ్మూలం ఇచ్జినట్లు తెలుస్తుంది. జరిగిన ఘటనపై పోలీసులు ఇప్పటికే ఒక నివేదికను (బ్లూ ప్రింట్) తయారు చేసినట్లు సమాచారం.
