కరోనా కష్టాల్లో ఉన్న నిరుద్యోగులకు ఓ శుభవార్త. ప్రముఖ ఆన్‌లైన్ ట్రేడింగ్ కంపెనీ దిగ్గజాల్లో ఒకటైన ఫ్లిప్కార్ట్ త్వరలో 70 మందికి ప్రత్యక్షంగా ఉపాధి కల్పించనుంది. అలాగే, లక్షలాది మందికి పరోక్షంగా ఉపాధిని కల్పించబోతున్నట్టు ప్రకటించింది.
భారత్‌లో అక్టోబరు మొదలుకుని జనవరి సంక్రాంతి వరకు పండగ సీజన్. ఈ పండుగ సీజన్‌తో పాటు.. బిగ్‌ బిలియన్‌ డేస్‌(బీబీడీ) దృష్టిలో పెట్టుకొని దేశవ్యాప్తంగా ప్రత్యక్షంగా 70 వేల మందిని, పరోక్షంగా లక్షలాది మందికి ఉపాధిని కల్పించబోతున్నది.
బెంగళూరు కేంద్రస్థానంగా ఈ-కామర్స్‌ సేవలు అందిస్తున్న ఫ్లిప్కార్ట్.. సరఫరా వ్యవస్థను మరింత బలోపేతం చేయడానికి డెలివరీ ఎగ్జిక్యూటివ్‌లు, ప్యాకర్లు, స్టోర్‌ కీపర్లు, మానవ వనరుల విభాగంలో మరింత మందిని నియమించుకోబోతున్నట్లు కంపెనీ వర్గాలు వెల్లడించాయి.
