ఫ్లోరిడాలో ఓ మహిళ అమ్మతనానికే మచ్చ తెచ్చేలా ప్రవర్తించింది. తల్లి ప్రేమను మించింది ప్రపంచంలో ఏదీ లేదంటారు. అలాంటి తల్లి తన ప్రాణాలు పణంగా పెట్టైనా తన బిడ్డలను కాపాడుకుంటుంది. కానీ ఫ్లోరిడా మహిళ అమ్మతనానికే మచ్చ తెచ్చేలా కన్నకూతురిని పాము కరుస్తుంటే ఎంజాయ్ చేస్తూ తన సెల్ ఫోన్‌లో వీడియో తీసింది. అంతేకాకుండా.. ఆ తర్వాత ఆ వీడియోను సామాజిక మాధ్యమాల్లో పోస్టు చేసింది.
ఈ వీడియోను చూసిన నెటిజన్లు ఆమెపై తీవ్రస్థాయిలో విరుచుకుపడుతున్నారు. దీంతో ఆ వీడియోను ఆమె తొల‌గించింది. అయితే, ఈ వీడియో వైర‌ల్‌గా మారి పోలీసుల‌కు తెలియ‌డంతో ఆ త‌ల్లిని అదుపులోకి తీసుకున్నారు. ఆమెపై కేసు నమోదు చేసి దర్యాప్తు చేస్తున్నారు. విచారణలో కూడా తాను కావాలనే పాముతో తన కూతురును కరిపించానని చెప్తోంది.
పాముల్ని చూస్తే పిల్లలకు భయం ఉండకూడదని.. ఆ భయాన్ని పోగొట్టేందుకు తాను ఇలా చేశానని చెప్తోంది. ఆ పాముతో తాను క‌రిపించుకున్నాన‌ని, తన కొడుకుని కూడా ఆ పాము క‌రిచింద‌ని తెలిపింది దీనిపై పోలీసులు విచారణను కొనసాగిస్తున్నారు.
