పెన్సిల్వేనియాలోని పిట్స్‌బర్గ్‌కు దాదాపు 60 మైళ్ల దూరంలోని జాన్స్‌టౌన్‌ అనే పట్టణానికి చెందిన జాసన్ ఛాంబర్స్‌(27), చెల్సియా కార్డారో(19) అనే దంపతులు ఉన్నారు. వీరికి ఐదునెలల చిన్నారి సమ్మర్‌ చాంబర్స్‌లు ఉంది.
అయితే, జాసన్ దంపతులకు హెరాయిన్ తీసుకునే అలవాటు ఉంది. అయితే, వీరిద్దరు తమ ఎంజాయ్‌మెంట్ కోసం మోతాదుకు మించి తీసుకున్నారు. ఈ కారణంతో వీరు నివసించే ఇంటి మొదటి అంతస్తులో భర్త చాంబర్స్‌ మృతి చెంది ఉండగా.. రెండో అంతస్తులోని బాత్‌రూమ్‌లో చెల్సియా మృతి చెందారు.
వీరిద్దరు చనిపోయి వారంరోజుల తర్వాత ఇంటి నుంచి దుర్వాసన రావడంతో పక్కింటి వారు పోలీసులకు సమాచారం చేరవేశారు. దీంతో వారువచ్చి... ఇంటిని పరిశీలించగా రెండు మృతదేహాలను కనుగొన్నారు. ఆ తర్వాత మరో పడక గదిని తనిఖీ చేయగా, అందులో ఉన్న ఉయ్యాలలోనే ఐదేళ్ళ చిన్నారి మృతదేహం కనిపించింది. చిన్నారి చెల్సియాకు ఆలనపాలన లేకపోవడంతోనే మృతి చెందివుంటుందని పోలీసులు భావిస్తున్నారు.
