ఎవరైనా ఉచితంగా విమానం ఇస్తానంటే వద్దనడానికి నేనేమైనా మూర్ఖుడునా లేదా తెలివితక్కువ వాడినా అంటూ అమెరికా అధ్యక్షుడు డోనాల్డ్ ట్రంప్ వ్యాఖ్యానించారు. ఖతార్ రాజ కుటుంబం నుంచి విలాసవంతమైన బోయింగ్ 747-8 జంబో జెట్‌ను బహుమతిగా ట్రంప్ అందుకోనున్నారు. దీనిపై ఆయన స్పందిస్తూ, ఈ బహుమతిని స్వీకరించడాన్ని ఆయన సమర్థించుకున్నారు. వైట్‌హౌస్‌లో విలేకరులతో మాట్లాడుతూ, ఉచితంగా వస్తున్న ఖరీదైన విమానాన్ని కాదనడం అవివేకమే అవుతుందని వ్యాఖ్యానించారు.
ఈ బహుమతి ద్వారా ఖతార్‌కు ఎలాంటి ప్రయోజనాలు చేకూరుతాయన్న వాదనలను, అలాగే, భద్రతాపరమైన ఆందోళనలను ఆయన తోసిపుచ్చారు. ఇలాంటి ప్రతిపాదనను నేను ఎప్పటికీ తిరస్కరించను. ఉచితంగా వస్తున్నపుడు వద్దనడానికి నేనేమైనా తెలివితక్కువవాడినా? అని ఆయన ప్రశ్నించారు.
తన అధ్యక్ష పదవీకాలం ముగిశాక ఈ విమానాన్ని వ్యక్తిగతంగా ఉపయోగిస్తారా లేదా అనే ప్రశ్నకు ఆయన బదులిస్తూ, దీనికి బదులుగా డబ్బులు చెల్లించారా ఎంటూ ఎదురు ప్రశ్నించారు. భవిష్యత్‌లో ఈ విమానాన్ని అధ్యక్ష లైబ్రరీ ప్రదర్శనశాలకు విరాళంగా ఇవ్వనున్నట్టు ఆయన ప్రటించారు.
