దేశీయ టెలికాం రంగంలో ఆఫర్ల యుద్ధం కొనసాగుతోంది. రిలయన్స్ జియో సేవలు అందుబాటులోకి వచ్చిన తర్వాత మొబైల్ సేవలు చౌక ధరకే అందుబాటులోకి వచ్చాయి. ముఖ్యంగా తన వినియోగదారులకు జియో ప్రకటిస్తున్న ఆఫర్లతో ఇతర టెలికాం కంపెనీలు బెంబేలెత్తిపోతున్నాయి. దీంతో ఆ కంపెనీలు కూడా ధరలను విపరీతంగా తగ్గించడమే కాకుండా, ప్రత్యేక ఆఫర్లను ప్రకటిస్తున్నాయి.
ఈ కోవలో ప్రభుత్వ టెలికాం రంగసంస్థ అయిన బీఎస్ఎన్ఎల్ తాజాగా మరో బంపర్ ఆఫర్‌ను ప్రకటించింది. నెలకు 249 రూపాయలు చెల్లిస్తే రోజుకు 10జీబీ డేటా పొందొచ్చని అధికారికంగా ప్రకటించింది. అంతేకాదు, రాత్రి 9 గంటల నుంచి ఉదయం 7 గంటల వరకు, ప్రతి ఆదివారం అపరిమిత ఉచిత కాల్స్ మాట్లాడుకునే సౌలభ్యాన్ని కల్పించింది. ఈ ఆఫర్ జూన్ 30వ తేదీ వరకు అందుబాటులో ఉంటుందని తెలిపింది.
