వాట్సాప్ లేటెస్ట్ అప్‌డేట్ ఏంటంటే? ఇకపై ఫాంట్ స్టైల్‌ను సులభంగా మార్చుకునే వీలుంటుంది. వాట్సప్‌కు నెటిజన్ల నుంచి లభిస్తున్న ఆదరణను దృష్టిలో పెట్టుకుని సదరు సంస్థ కొత్త కొత్త అప్‌డేట్లను అందిస్తోంది. ఇటీవల ఎమోజీ సేవను వినియోగదారులకు పరిచయం చేస్తోంది. ప్రస్తుతం ఎమోజీలో కొత్త అప్‌డేషన్‌ను ప్రవేశపెట్టింది. మనకు ఏం కావాలో దాన్ని టైప్ చేస్తే మనకు కావాల్సిన ఎమోజీలు ఓపెన్ అవుతాయి.
అందులో మనకు కావాల్సిన ఎమోజీని ఎంపిక చేసుకోవచ్చు. ఈ ఎమోజీని ఫాంట్ స్టైల్లోనూ మార్చుకోవచ్చు. వినియోగదారులకు అనువుగా కొత్త కొత్త అప్ డేట్లను అమల్లోకి తేనున్నట్లు సంస్థ తెలిపింది. ఫాంట్ స్టైల్, ఎమోజీ లేటెస్ట్ వర్షన్, ఫీచర్స్ కోసం వాట్సాప్ 2.17.148 ద్వారా లభిస్తాయి. ఫాంట్ స్టైల్ బోల్డ్, ఇటాలిక్‌, స్ట్రైక్ థ్రూ, మోనోస్పేస్ వంటివి అందుబాటులో ఉన్నాయని.. ఇందులో ఏ స్టైల్ కావాలో జస్ట్ ట్యాప్ చేస్తే చాలునని వాట్సాప్ ఓ ప్రకటనలో తెలిపింది.
