యూట్యూప్... దీని గురించి తెలియని నెటిజన్లు ఉండరంటే అతిశయోక్తి కాదేమో. పైగా, దీని అవసరం లేని వారు ఉండక పోవచ్చు. ఎందుకంటే కంప్యూటర్, లాప్‌‌టాప్, ట్యాబ్, స్మార్ట్‌ఫోన్ ఉన్న ప్రతి ఒక్కరూ ఈ యాప్‌ను ఉపయోగించకుండా ఉండలేరు. అందుకే అంతలా ప్రాచుర్యం పొందింది. సినిమాలు, వీడియో పాటలు, ట్రైలర్స్ ఇలా అన్నీ యూట్యూబ్‌లో వీక్షించవచ్చు.
అయితే కంప్యూటర్‌ని పక్కన ఉంచితే స్మార్ట్ ఫోన్‌లో యూట్యూబ్ ద్వారా వీడియో చూస్తున్నప్పుడు రివైండ్‌, ఫార్వర్డ్‌ చేయడం కుదరదు. కానీ సిస్టమ్‌లో వీక్షించే సమయంలో ఇది సులభమే. కానీ మొబైల్‌, ట్యాబ్‌లో అయితే కష్టం. ఈ ఇబ్బంది తొలగిపోయేలా యూట్యూబ్ కొత్త వెర్షన్‌ను సిద్ధం చేస్తోంది.
