పాపులర్ వీడియో కాన్ఫరెన్సింగ్ యాప్ జూమ్ తాజాగా ఓ కొత్త ఫీచర్ను ప్రకటించింది. జూమ్ కాల్స్ కోసం రియల్ టైమ్, మల్టీ-లాంగ్వేజ్ ట్రాన్స్‌క్రిప్షన్, ట్రాన్స్లేషన్ ఫీచర్ను త్వరలోనే జోడిస్తున్నట్లు ప్రకటించింది. వర్చువల్ సమావేశాలు మరింత సౌకర్యవంతంగా నిర్వహించుకునేందుకు ఈ కొత్త ఫీచర్ పనిచేస్తుందని తెలిపింది.
విభిన్న ప్రాంతాలు, వేర్వేరు భాషలకు చెందిన ప్రజలు ఇబ్బంది లేకుండా మాట్లాడుకునే ఈ ఫీచర్ వెసులు బాటు కల్పించనుంది. వీడియో కాల్స్ సమయంలో వేర్వేరు భాషలకు చెందిన వారు ఇబ్బంది లేకుండా సమాచారాన్ని ఇచ్చిపుచ్చుకునేందుకు గాను ఈ కొత్త టెక్నాలజీ ఉపయోగపడుతుంది.
