ఉత్తరప్రదేశ్‌లో ఘోర రైలు ప్రమాదం చోటుచేసుకుంది. ఈ ఘటనలో 63 మందికిపైగా మరణించారు. రైలులోని 14 బోగీలు పట్టాలు తప్పడంతో అనేకమందికి గాయాలయ్యాయి. కాన్‌పూర్‌దేహత్‌ జిల్లా పుఖ్రాయాన్‌ వద్ద ఇండోర్-పట్నా ఎక్స్ప్రెస్ ఈ ప్రమాదానికి గురైంది. ఈ ఘటనపై సమాచారమందుకున్న అధికారులు హుటాహుటిన ప్రమాద స్థలికి చేరుకుని సహాయక చర్యలు చేపట్టారు.
మరోవైపు పట్నా-ఇండోర్ ఎక్స్ప్రెస్ రైలు ప్రమాదంలో పెద్ద సంఖ్యలో ప్రయాణికులు ప్రాణాలు కోల్పోవడం పట్ల కేంద్ర హోంశాఖ మంత్రి రాజ్‌ నాథ్‌ సింగ్‌ తీవ్ర సంతాపం వ్యక్తం చేశారు. మృతుల కుటుంబాలకు సానుభూతి తెలిపారు. ప్రమాదంపై రైల్వే శాఖ మంత్రి సురేశ్‌ ప్రభు స్పందించారు. సీనియర్‌ అధికారులు వెంటనే ఘటనా స్థలానికి వెళ్లాలని ఆదేశించారు. ప్రమాదానికి కారణమైన వారిపై కఠిన చర్యలు తీసుకుంటామన్నారు.
