ఇద్దరు సాధ్వీలపై అత్యాచారం జరిపిన కేసులో 20 యేళ్ళ జైలుశిక్షను అనుభవిస్తున్న డేరా చీఫ్ గుర్మీత్ రాం రహీం సింగ్ చేసిన అకృత్యాలు, అరాచకాలు ఒక్కొక్కటిగా వెలుగులోకి వస్తున్నాయి. ముఖ్యంగా, డేరా బాబా బంధువు భూపిందర్ సింగ్ గోరా మరికొన్ని ఆసక్తికర అంశాలు వెల్లడించారు.
డేరా ఆశ్రమంలో ఉన్న మహిళా భక్తులను, హై ఫ్రొపైల్ మోడల్స్‌, ఆశ్రమానికి వచ్చే సినీ నటీమణులను బెదిరించి మరీ గుర్మీత్ అత్యాచారానికి పాల్పడేవాడన్నారు. హైప్రొఫైల్ మోడల్స్‌ను సిర్సా లేదా ముంబై తీసుకెళ్లి 15 నుంచి 20 రోజులపాటు ఎంజాయ్ చేసేవాడని అన్నారు. అయితే ఈ వ్యవహారం బయటకు పొక్కితే ప్రాణం తీస్తానని హెచ్చరించేవాడని ఆయన చెప్పారు.
ఈ వ్యవహారాలన్నింటినీ చక్కబెట్టేది ఆయన దత్తపుత్రికగా ప్రపంచానికి చూపిన హనీప్రీత్ సింగ్ అని ఆయన అన్నారు. ఒకసారి గుర్మీత్ అనుభవించిన అమ్మాయి ఆ దరిదాపుల్లో కనిపించేందుకు అంగీకరించేవాడు కాదని వ్యాఖ్యానించాడు. అమ్మాయిలతో ఏకాంతంగా గడుపుతున్నప్పుడు తన డేరా వైపు భక్తులను రానిచ్చేవాడు కాదని తెలిపాడు. ఏకాంతంగా యువతులతో గడిపేటప్పుడు, అత్యవసరం అంటూ ఎవరైనా వస్తే, బాబా ధ్యానంలో ఉన్నారని చెప్పమనేవాడని తెలిపారు. కానీ, నిజానికి ఆయన ధ్యానంలో ఉండేవాడు కాదనీ.. అమ్మాయితో ఎంజాయ్ చేస్తూ గడిపుతూ ఉండేవాడని గోరా వెల్లడించారు.
