శేఖర్ రెడ్డి వద్ద వున్న కీలక సమాచారం ద్వారా తమిళనాడు ప్రభుత్వ చీఫ్ సెక్రటరీ ఇళ్లలో బుధవారం నాడు ఐటీ అధికారులు మెరుపు దాడి చేశారు. ఈ దాడుల్లో భారీ మొత్తంలో నగదు, బంగారం లభించినట్లు తెలుస్తోంది. అధికారాన్ని అడ్డం పెట్టుకుని రామ్మోహన్ రావు ఇలా అక్రమ సంపాదన పోగేసినట్లు ఐటీ శాఖ భావిస్తోంది.
కాగా రామ్మోహన్ రావుని ఏ క్షణమైనా అరెస్టు చేసే అవ‌కాశం ఉన్న‌ట్లు సమాచారం. మరోవైపు ఆయన ఇళ్లతోపాటు బంధువుల ఇళ్లలోనూ సోదాలు చేసిన ఐటీ శాఖకు సుమారు రూ.100 కోట్ల నగదు, 200 కిలోల బంగారం పట్టుబడినట్లు తెలుస్తోంది.
