నోట్ల రద్దు.. బ్యాంక్ క్యూలో అర్ధనగ్నంగా యువతి హంగామా.. డబ్బులివ్వలేదని..?

ప్రధాన మంత్రి నరేంద్ర మోడీ నోట్ల రద్దు నిర్ణయంతో నల్లకుబేరులు ముచ్చెమటలు పడుతున్నాయి. సామాన్యులు కూడా పడరాని పాట్లు పడుతున్నారు. దేశ రాజధాని ఢిల్లీలో ఇలాంటి ఇబ్బందినే ఎదుర్కొన్న ఓ యువతి అర్థనగ్నంగా నిరసన వ్యక్తం చేసింది. దీంతో అక్కడున్న వారంతా అవాక్కయ్యారు. క్యూలైన్లో ఉన్న కొందరు మహిళలు వచ్చి ఆమెను అడ్డుకునే ప్రయత్నం చేశారు. అయినా ఆ యువతి వినకుండా తన నిరసనను కొనసాగించింది. 

ప్రభుత్వ వ్యతిరేక నినాదాలు చేస్తూ నానా హంగామా చేసింది. ఈ విషయంపై పోలీసులకు సమాచారమివ్వడంతో ఆ యువతికి క్యూలైన్లతో సంబంధం లేకుండా డబ్బులివ్వాలని ఉన్నతాధికారులు మహిళా పోలీసులను ఆదేశించారు. దీంతో బ్యాంకు అధికారులు ఆ యువతికి డబ్బులిచ్చి పంపించారు. 

అయితే పోలీసులు ఆమె యువతి కాదని, హిజ్రా అని చెప్తున్నారు. ఈ ఘటన ఢిల్లీలోని మయూర్ విహార్ ఫేస్3 ప్రాంతంలో చోటుచేసుకుంది. అయితే ఇలాంటి చర్యలకు పాల్పడే వారిపై కఠిన చర్యలు తీసుకుంటామని హెచ్చరిస్తున్నారు.