నోట్ల రద్దుపై పార్లమెంట్ ఉభయ సభలు గురువారం కూడా దద్ధరిల్లిపోయాయి. రాజ్య‌స‌భలో విప‌క్ష స‌భ్యులు త‌మ ప‌ట్టును వీడలేదు. పెద్ద‌నోట్ల రద్దుపై ఈ రోజు కూడా చ‌ర్చ చేప‌ట్ట‌ాల్సిందేనంటూ విప‌క్ష‌నేత‌లు ఛైర్మన్ పోడియం వ‌ద్ద‌కు వెళ్లారు. అయితే, స‌భలో గందరగోళం మధ్యే స‌భ్యులు ప‌లు బిల్లులను ప్రవేశపెట్టారు.
ప్ర‌త్యేక‌హోదా బిల్లును ప్రొసీడింగ్స్ నుంచి తొల‌గిస్తున్న‌ట్లు తెలిపారు. అనంత‌రం ప‌లు అంశాల‌పై ఇత‌ర స‌భ్యులు మాట్లాడుతుండ‌గా విప‌క్ష‌నేత‌లు పోడియం వ‌ద్ద త‌మ నిర‌స‌న‌ను వ్య‌క్తం చేస్తుండ‌డంతో రాజ్య‌స‌భ‌ను సోమవారానికి వాయిదా వేస్తున్న‌ట్లు కురియ‌న్ పేర్కొన్నారు. అంతకుముందు లోక్‌సభ స్పీకర్ సుమిత్రా మహాజన్ కూడా సభను సోమవారానికి వాయిదా వేశారు.
