దృశ్యం సినిమా తరహాలోనే, గుజరాత్‌లోని జునాగఢ్‌లో ఒక మహిళ అదృశ్యమైన 13 నెలల తర్వాత ఆమె అస్థిపంజర అవశేషాలను పోలీసులు స్వాధీనం చేసుకున్నారు. ప్రధాన అనుమానితుడు, 28 ఏళ్ల హార్దిక్ సుఖాడియాను పోలీసులు అరెస్ట్ చేశారు. నెలల పాటు తప్పించుకుని తిరుగుతున్న అతనిని పోలీసులు అరెస్ట్ చేశారు.
వివరాల్లోకి వెళితే.. గుజరాత్‌లోని జునాగఢ్, గాంధీనగర్‌లోని ఫోరెన్సిక్ సైన్స్ లాబొరేటరీ (FSL)లో జరిగిన లేయర్ వాయిస్ అనాలిసిస్ (LVA) పరీక్షలో అతడే నిందితుడని తేలింది. మృతురాలిని 35 ఏళ్ల వివాహిత దయా సవాలియాగా గుర్తించారు.
ఆమె జునాగఢ్ జిల్లాలోని విశావదర్ తాలూకాలోని రూపవతి గ్రామానికి చెందినది. సవాలియా జనవరి 2, 2024న కనిపించకుండా పోయింది. ముఖ్యంగా, బంగారు ఆభరణాలు, దాదాపు రూ.9.60 నగదుతో ఇంటి నుండి బయటకు వెళ్లిన కొన్ని రోజుల తర్వాత సవాలియా భర్త ఆమె కనిపించడం లేదని ఫిర్యాదు చేయడం గమనార్హం. విశావదర్ పోలీస్ స్టేషన్‌లో ఫిర్యాదు నమోదైంది. ఈ దంపతులకు 11 ఏళ్ల కుమారుడు ఉన్నాడు.
దర్యాప్తులో , సవాలియాకు సుఖాడియాతో వివాహేతర సంబంధం ఉందని పోలీసులకు తెలిసింది. సవాలియా రాహుల్ అనే వ్యక్తితో ప్రేమ వ్యవహారం నడుపుతోందని, అందుకే ఆమె అతనితో పారిపోయిందని తప్పుడు కథనంతో దర్యాప్తు అధికారులను తప్పుదారి పట్టించారని తెలిసింది.
అయితే, ఆధారాలు లేకపోవడంతో పోలీసులు సుఖాడియాను అరెస్టు చేయలేకపోయారు. దీంతో పాటు సుఖాడియా నేరాన్ని అంగీకరించాడు. ఫిబ్రవరి 27న, పోలీసులు సుఖాడియాను సంఘటనా స్థలానికి తీసుకెళ్లి, బావి నుండి సవాలియా అస్థిపంజర అవశేషాలను స్వాధీనం చేసుకున్నారు.
