జయలలిత జీవించి ఉన్నంతకాలం ఆమెపై ఉన్న కొన్ని పుకార్లు అప్పుడప్పుడూ హల్చల్ చేసినా పెద్దఎత్తున ప్రచారం జరిగింది మాత్రం తక్కువే. ఐతే జయలలిత మరణించిన తర్వాత ఆమె జీవితంలోని కొన్ని సంఘటనల తాలూకు విషయాలు ఇవే అంటూ ప్రచారంలోకి వస్తున్నాయి. జయలలిత అందాల నటుడు శోభన్ బాబును వివాహం చేసుకున్నారని చాలా ఏళ్లుగా ప్రచారంలో ఉంది కానీ దానిపై క్లారిటీ లేదు. అలాగే వారిద్దరి దాంపత్యానికి గుర్తుగా ఓ పాప పుట్టిందనీ ప్రచారం జరిగింది.
తాజాగా ఈ ప్రచారం మరికాస్త ముందుకు వెళ్లిపోయినట్లు తెలుస్తోంది. జయలలిత-శోభన్ బాబుల కుమార్తె పేరు శోభన అనీ, ఆమె ఇలా ఉంటుందంటూ ఓ ఫోటో నెట్లో హల్చల్ చేస్తోంది. ఈ ఫోటోను పెట్టేసి ఎవరికి తోచినట్లు వారు వార్తలు రాసేస్తున్నారు. అంతేకాదు... ఆమె అసలు పేరు మరకతవల్లి అనీ, ఆమెను ఓ వజ్రాల వ్యాపారికి ఇచ్చి పెళ్లి చేశారని పుకార్లు షికారు చేస్తున్నాయి.
