దీనిపై స్థానిక పోలీసులు కేసు నమోదు చేసి విచారణ చేపట్టారు. సాయంత్రం 5.30 గంటల సమయంలో ఆయన శిష్యులు ఫోన్‌ చేయడంతో పోలీసులు ఘటనా స్థలికి చేరుకున్నారు. ఆ గదిలో 8 పేజీల లేఖ ఒకటి లభించిందని, అది మహంత్ నరేంద్ర రాసినదిగా భావిస్తున్నామని పోలీస్‌ ఇన్‌స్పెక్టర్‌ జనరల్‌ కె.పి.సింగ్‌ వెల్లడించారు.
మానసికంగా తీవ్ర కలతకు గురైన తాను జీవితాన్ని ముగిస్తున్నట్లు అందులో రాసి ఉందన్నారు. తొలుత ఆయన మృతిని పోలీసులు ఆత్మహత్యగా భావించారు. అయితే ఆశ్రమంలోని శిష్యులను విచారించగా.. పలు అనుమానాస్పద విషయాలు వెలుగులోకి వచ్చినట్లు తెలిసింది. నరేంద్రకు అత్యంత నమ్మకస్తుడిగా ఉండే ఆనంద్ గిరి అనే శిష్యుడు.. గతంలో ఆశ్రమంలో మోసాలకు పాల్పడ్డాడు. దీంతో అతడిని ఆశ్రమం నుంచి బయటకు పంపేశారు.
కాగా, నరేంద్ర గిరిని ఆనంద్ పలుమార్లు వేధించాడని ఆశ్రమంలోని కొందరు పోలీసులకు తెలిపారు. ఆయన మరణించిన గది ముందు సీసీటీవీ ఫుటేజ్‌లను పరిశీలిస్తున్నట్లు చెప్పారు. దీని ఆధారంగా ఆనంద్‌ను పోలీసులు అరెస్టు చేసి ఎఫ్‌ఐఆర్‌ నమోదు చేశారు.
