బెంగళూరులో కొత్త సంవత్సరం సందర్భంగా యువతిపై కీచకపర్వం కొనసాగిన నేపథ్యంలో.. నడిరోడ్డు మీద అందరూ చూస్తుండగా ఓ బాలికపై ఓ వ్య‌క్తి దాడికి దిగాడు. పలుమార్లు ఆమెను బలంగా కొడుతున్నా.. ఒక్కరూ కూడా ఆమెను అడ్డుచెప్పలేదు. ఈ ఘటన మహారాష్ట్రలోని ముంబైలో గత మంగళవారం చోటుచేసుకున్న ఈ ఘటన ఆలస్యంగా వెలుగులోకి వచ్చింది.
వివరాల్లోకి వెళితే.. ముంబైలోని నెహ్రూనగర్‌కు చెందిన ఓ బాలిక తన స్నేహితురాలితో కలిసి రోడ్డుపై నడుచుకుంటూ వెళ్తుండగా.. ఓ యువకుడు పెద్దపెద్దగా వారిని కామెంట్‌ చేశాడు. దీంతో సదరు బాలిక ఆ యువకుడిని అడ్డుకుంది. దీంతో ఇరువురి మధ్య వాగ్వాదం చోటుచేసుకుంది. ఆవేశానికి గురైన ఆ యువకుడు బాలికపై చేజేసుకున్నాడు. పదేపదే ఆమెను బలంగా కొట్టాడు. దీంతో బాలిక స్పృహ తప్పిపడిపోయింది.
