వివరాల్లోకి వెళితే.. ఇతర వ్యక్తులతో తమ జీవిత భాగస్వాములు అక్రమ సంబంధం పెట్టుకుంటున్నారని.. తమను ఏమాత్రం పట్టించుకోవట్లేదని పురుషులు పోలీసు స్టేషన్లను ఆశ్రయిస్తున్నారు. ఎప్పుడూ పురుషులే ఇతర మహిళలతో వివాహేతర సంబంధాలను కొనసాగిస్తున్నారని కేసులు వచ్చేవని.. కానీ ప్రస్తుతం సీన్ మారిందని పోలీసులు చెప్తున్నారు. ఈ రివర్స్ కేసులను పరిష్కరించేందుకు పోలీసులు రెడీ అవుతున్నారు. ఇలా ఐదు నెలల్లోనే 146 కేసులు నమోదైనాయి. జనవరిలో 24, ఫిబ్రవరిలో 23, మార్చిలో 49, ఏప్రిల్‌లో 25, మేలో 25 చొప్పున ఫిర్యాదులు అందినట్లు అధికారులు తెలిపారు.
తాము మనువాడిన సతీమణులు అనుమానాస్పదంగా ప్రవర్తిస్తున్నారని, ఇల్లు రాసివ్వాలని ఒత్తిడి తెస్తున్నారని వచ్చిన ఫిర్యాదు చేస్తున్నారు. లైంగిక వేధింపులు, అత్యాచారాల ఘటనలపై సత్వరం దర్యాప్తు నిమిత్తం స్పెషల్‌గా ఏర్పాటైన మహిళా పోలీసు విభాగంలో భార్య చేతిలో మోసపోతున్న పురుషులు ఫిర్యాదు చేయడం అధికమవుతుంది.
