ఇటీవల రాజకీయ పార్టీని స్థాపించిన తమిళ అగ్ర హీరో విజయ్‌ను లక్ష్యంగా చేసుకుని తమిళనాడు ముఖ్యమంత్రి ఎంకే స్టాలిన్ పరోక్షంగా విమర్శలు గుప్పించారు. కొత్తగా రాజకీయాల్లో వచ్చే పసికూనలు డీఎంకేను తుడిచిపెట్టలేరన్నారు. పైగా, ఇలాంటివారి డీఎంకే ఏమాత్రం పట్టించుకోలేదన్నారు.
డీఎంకే పార్టీని తమ రాజకీయ ప్రత్యర్థిగా పరిగణిస్తామని ప్రకటించారు. ఈ వ్యాఖ్యలపై సీఎం స్టాలిన్ స్పందించారు. విజయ్ పేరెత్తకుండా, విమర్శనాస్త్రాలు సంధించారు. రాజకీయాల్లోకి కొత్తగా వచ్చిన వారు కూడా డీఎంకే పార్టీ తుడిచిపెట్టుకుపోవాలంటున్నారని తెలిపారు.
ప్రజలకు సేవ చేయడంపైనే మా ప్రధాన దృష్టి. విమర్శించే వారందరికీ సమాధానం చెబుతూ పోవడం కుదరదు... టైమ్ వేస్ట్ తప్ప మరే ప్రయోజనం లేదు. మాకు ఉన్న సమయం అంతా ప్రజా సేవ కోసమే వినియోగిస్తాం. ప్రజలు ఏ నమ్మకంతో మమ్మల్ని గత ఎన్నికలప్పుడు గెలిపించారో, అదే నమ్మకంతో మేం ప్రజాపాలనకు కట్టుబడి ఉన్నాం' అని స్టాలిన్ వివరించారు.
