ఆన్లైన్ లోన్ యాప్స్‌తో జాగ్రత్తగా వుండాలి. లేకుంటే సర్వం కోల్పోవాల్సి వస్తుందని నిపుణులు హెచ్చరిస్తున్నారు. ఆన్లైన్ రుణ యాప్‌ల కారణంగా డబ్బులు ఇచ్చి ప్రాణాలు కోల్పోతున్న వారి సంఖ్య పెరిగిపోతోంది. అవసరం కోసం ఆన్లైన్ రుణ యాప్‌లో చేసిన రూ.6000 అప్పు ప్రాణాన్ని బలి తీసుకుంది. అది కూడా ఓ అగ్నిమాపక శాఖ కానిస్టేబుల్‌ పాలిట యమపాశమైంది.
ఆయనకు భార్య మాధవితోపాటు 18 నెలల వయస్సున్న కూతురు ఉన్నారు. అయితే, గోల్డెన్‌ రూపీ అనే రుణయాప్‌ నుంచి తీసుకున్న రూ.6 వేలు రుణాన్ని సుధాకర్‌ సకాలంలో చెల్లించలేకపోయారు. దీంతో ఆ యాప్‌ ఏజెంట్ల నుంచి వేధింపులకు గురయ్యారు.
అంతేకాక, సుధాకర్‌ ఓ మోసగాడు అంటూ అతని కాంటాక్ట్‌ లిస్టులో ఉన్న పలువురికి మెసేజ్‌లు పెట్టారు. వీటన్నింటితో మనస్తాపం చెందిన సుధాకర్‌ ఇటీవల సన్నిహతుల వద్ద తన కష్టం చెప్పుకున్నారు. కానీ మనస్తాపంతో ఆత్మహత్యకు పాల్పడ్డారు. శివరాంపల్లి - శాస్త్రీపురం మార్గంలో ఉన్న రైల్వే ట్రాక్‌పై శవమై కనిపించారు.
