రంభపై ఆమె భర్త పూలవాన... ఎందుకో తెలుసా?

నటి రంభ అంటే ఆమధ్య ఓ క్రేజ్. గ్లామర్ అంటే రంభ అని చెప్పుకునేవారు. కెరీర్ ఓ స్థాయిలో వుండగానే నటి రంభ 2010లో కెనడాకు చెందిన వ్యాపారవేత్తను వివాహమాడారు. ఆ తర్వాత ఇద్దరి మధ్య మనస్పర్థలు తలెత్తడంతో 2016లో భర్త నుండి విడాకులు కావాలని చెన్నై ఫ్యామిలీ కోర్టును ఆశ్రయించింది రంభ. కేసును పరిశీలించిన కోర్టు ఇద్దరూ కలిసి ఓ అవగాహనకు రావాలంటూ సూచన చేసింది. దీనితో భార్యాభర్తలిద్దరూ మళ్లీ కలిసి జీవించాలని అనుకున్నారు. ఇక అప్పట్నుంచి చక్కగా కాలం గడిపేస్తున్నారు. 

ఇదిలావుండగా రంభకు ఇద్దరు అమ్మాయిలు. ఇప్పుడు రంభ మూడో సంతానానికి జన్మనివ్వబోతోంది. ఈ సందర్భంగా ఆమెకు శ్రీమంతం చేశారు. ఈ వేడుకలో రంభ భర్త ఆమెపై ఎంతో ప్రేమతో పూలవర్షం కురిపించారు. ఆ సంతోషాన్ని పట్టలేని రంభ పైకి లేచి కొద్దిసేపు స్టెప్పులేసింది. ఇప్పుడా ఫోటోలు వైరల్ అవుతున్నాయి.