క్రిష్ దర్శకత్వంలో రూపొందుతున్న ఎన్టీఆర్ బయోపిక్ షూటింగ్ చాలా వేగంగా జరుగుతోంది. ఇదిలా ఉంటే చంద్రబాబు నాయుడిగా రానా, ఏఎన్నార్‌గా సుమంత్ లుక్‌ను విడుదల చేశారు. ఈ సినిమా టీమ్ శ్రీదేవి పాత్రకు రకుల్ ప్రీత్‌ను తీసుకున్నట్లుగానే, సావిత్రి పాత్రకు నిత్యామీనన్‌ను తీసుకున్నట్లుగా సమాచారం.
అసలు విషయం చెప్పాలంటే మహానటి చిత్రంలోనే నిత్యామీనన్ సావిత్రిగా చేయవలసింది. కొన్ని కారణాల చేత చేయలేకపోయింది. కనుక ఇప్పుడు ఈ సినిమాలో సావిత్రిలా నటించనున్నారు. మాయాబజార్, మిస్సమ్మ, గుండమ్మ కథ, రక్త సంబంధం సినిమాలకు సంబంధించిన సీన్స్‌లో నిత్యా సావిత్రిలా కనిపించనున్నారు.
