బాలీవుడ్ నటి ప్రియాంకా చోప్రా, హాలీవుడ్ సింగర్ నిక్ జోనాస్‌‌లు త్వరలోనే ఒక్కటికాబోతున్నారు. మూడు ముళ్ళ బంధంతో వీరిద్దరూ వైవాహిక జీవితంలోకి అడుగుపెట్టనున్నారు. ఈ నేపథ్యంలో నిక్ జోనాస్‌తో తాను ప్రేమలో ఎలా పడింతో ప్రియాంకా చోప్రా వెల్లడించింది. అలాగే, పెళ్లికి దారితీసిన పరిస్థితులను కూడా వెల్లడించింది.
తనను నిక్ తొలిసారి మెట్ గాలా వేడుకలో చూశాడనీ, అపుడు తన వ్యక్తిగత మొబైల్ నంబర్లు ఇచ్చిపుచ్చుకోవడం జరిగింది. ఆ వెంటనే "నిన్ను కలవాలనుకుంటున్నా" అని తనకు ఓ మెసేజ్ చేశాడని చెప్పింది. ట్విట్టర్ అయితే అందరికీ తెలిసిపోతుందన్న భావించే పర్సనల్ నంబర్‌కు మెసేజ్ పెట్టాడని తెలిపింది.
ఆ తర్వాత తాను న్యూయార్క్ పర్యటనలో ఉన్న సమయంలో నిక్‌ను తన అపార్ట్‌మెంట్‌కు పిలిచానని, కొద్దిసేపు మాట్లాడిన తర్వాత తిరిగి వెళ్లిపోతూ కనీసం ముద్దుకూడా పెట్టలేదని అపుడు చాలా కోపపడ్డాని తెలిపారు. కానీ, అదేవిషయం తనకు అతనిపై ఇష్టాన్ని పెంచిందని చెప్పుకొచ్చింది.
