చదువుకున్నోడి కంటే అలాంటివారే నయం అని వెనుకటికి మన పెద్దలు ఓ సామెత చెపుతుండేవారు. అప్పుడే కాదు... ఇప్పుడు కూడా చాలామంది విషయాల్లో ఇదే నిజమవుతుంది. బుర్రకు పదును పెట్టి రేయింబవళ్లు చదివి, లక్షలకు లక్షలు ఖర్చుపెట్టి ఏ ఇంజినీరో, డాక్టరో అయితే వచ్చే జీతం ఎంత? కేవలం 20 వేల నుంచి 40 వేల రూపాయల మధ్యే. ఆ మొత్తాన్ని దాటుకుని వెళ్లాలంటే కనీసం పదేళ్లయినా పడుతుంది.
కానీ కొంతమంది చదువు లేకపోయినా అమాంతం కోటీశ్వరులైపోతుంటారు. మన కళ్లముందే ఏదో దుకాణం పెట్టుకుని బతుకు మొదలేసి కోటీశ్వరులైన వుదంతాలకు లెక్కలేదు. ఇంతకీ అసలు విషయం ఏంటంటే... ఇవాళ చెన్నైలో ఓ పత్రికలో ప్రకటన అందరి దృష్టిని ఆకర్షించింది. అదేంటయా అంటే... కొబ్బరిబొండాల షాపులో కొబ్బరి బొండాలను కట్ చేసి ఇచ్చే ఉద్యోగం. జీతం ఎంతో తెలుసా? రూ. 22,000 నుంచి రూ. 32,000 మధ్య.
