చేయి లేకపోతే ఏం... చల్తా హై... జాలీగా వుంటా గురూ అంటున్న యువతి

అంగవైకల్యం అనగానే చాలామంది కుంగిపోతుంటారు. పుట్టుకతో వచ్చే అంగవైకల్యం సంగతి అలా వుంచితే ప్రమాదవశాత్తూ అవయవం కోల్పోయినప్పుడు ఆ బాద వర్ణనాతీతం. కానీ అలాంటి బాధ ఏమీ లేదంటోంది శాండిగోకు చెందిన 20 ఏళ్ల లారెన్. ఆమె స్కూటర్ పైన వెళ్తుండగా తన స్కూటర్ అదుపుతప్పి నడిరోడ్డుపై పడిపోయింది.

ఈ ప్రమాదంలో ఆమె కుడి చేయి నుజ్జునుజ్జయింది. వైద్యులు ఆమె చేతిని ఎలాగైనా అతికించి మామూలు స్థితికి తీసుకురావాలని ప్రయత్నించారు కానీ కుదర్లేదు. దీనితో భుజం వరకూ ఆమె చేయిని తీసేశారు. ఐతే చేయి లేదన్న బాధ తను ఎప్పుడూ ఫీలవలేదని చెపుతుంది లారెన్. 

సోషల్ మీడియాలో చాలా యాక్టివ్ గా వుండే లారెన్ తనకు సంబంధించి ఎన్నో ఫోటోలను రోజువారీ పోస్టు చేస్తూ వుంటుంది. అంగవైకల్యం అంటూ కుంగిపోయేవారికి లారెన్ స్ఫూర్తిదాయకం అని ఎంతోమంది ట్వీట్లు చేస్తున్నారు.