స్వచ్ఛమైన మనస్సు, వారి వైపు న్యాయం ఉన్న ఎవరైనా వారాహి దేవిని పూజించవచ్చు. వారాహి దేవిని పంచమి తిథుల్లో పూజించే వారికి సర్వాభీష్టాలు చేకూరుతాయి. నిస్వార్థమైన అభ్యర్థనను వారాహి దేవి వెంటనే నెరవేర్చుతుంది. కానీ వక్రబుద్ధితో, ఇతరులకు హాని చేయాలనే ఉద్దేశ్యంతో వారాహి దేవిని పూజించడం కూడదు. దాంతో నాశనం తప్పదు.
దీపం వెలిగించి, అందులో వారాహి అమ్మవారు ఉన్నారని భావించి, ఆమెను శ్రద్ధతో పూజిస్తే కోరిన కోరికలు నెరవేరుతాయి. అలాగే ఎర్రని దానిమ్మ పండు గింజలను అమ్మవారికి నైవేద్యంగా సమర్పించాలి. తమలపాకు, పువ్వులు, పండ్లు సమర్పించవచ్చు.
ఒకవేళ కొబ్బరి పువ్వు లేకుంటే కొబ్బరి తురుములో కాసింత బెల్లం వేసి అమ్మవారికి నైవేద్యంగా సమర్పించవచ్చు. ఇలా చేస్తే వ్యాపారంలో సమస్యలు, శత్రుబాధలు, నరదృష్టి, తీరని రోగం, ఋణ బాధలు మొదలైన అన్ని రకాల సమస్యలకు తక్షణమే చక్కని పరిష్కారాన్ని ఇచ్చే శక్తి ఈ వారాహి పూజకు ఉంది.
