కడప జిల్లాలో సభ్యసమాజం సిగ్గుతో తలదించుకునే ఘటన ఒకటి వెలుగులోకి వచ్చింది. కన్న తల్లిదండ్రులే తమ కుమార్తెల జీవితాలను చేజేతులా నాశనం చేయాలని చూస్తున్నారు. ఆ నలుగురు కుమార్తెలను అమ్మ వ్యభిచారం చేయమని ఒత్తిడి చేస్తుంటే.. నాన్న కూడా అలానే ప్రోత్సహిస్తున్నాడు. దీంతో దిక్కుతోచని ఆ నలుగురు అక్కా చెల్లెళ్లు జిల్లా జడ్జి జి.శ్రీనివాస్‌కు ఓ లేఖ రూపంలో ఫిర్యాదు చేయడం కలకలం రేపింది.
జిల్లా జడ్జి శ్రీనివాస్‌కు నలుగురు బాలికలు రాసిన లేఖలోని వివరాలను పరిశీలిస్తే... మేము నలుగురం అక్కాచెళ్లెళ్లం. మేము బాగా చదువుకుంటున్నాం. అయితే మా అమ్మానాన్న మాత్రం మమ్మల్ని ఇబ్బంది పెడుతున్నారు. మా అమ్మ వేరే వ్యక్తితో అక్రమ సంబంధం పెట్టుకుంది. అలాగే హమాలీగా పని చేసే మా నాన్న కూడా మరో మహిళతో వివాహేతర సంబంధం కొనసాగిస్తున్నాడు.
ఈ లెటర్ చదివిన జడ్జి చలించిపోయారు. వెంటనే మహిళా, శిశు సంక్షేమ శాఖ సహాయ అధికారికి ఆదేశించారు. పిల్లల వివరాలు సేకరించి, మంచి ప్రభుత్వ పాఠశాలలో చేర్పించాలని కోరారు. అలాగే, తల్లిదండ్రులు, అక్రమ సంబంధం పెట్టుకున్నవారు, ఒత్తిడి తెస్తున్న వారిపై కేసులు నమోదు చేయించారు.
