తనది ధృతరాష్ట్ర కౌగిలి అంటూ బిరుదు ఇచ్చిన మంత్రికి ధన్యవాదాలు అని మాజీ ఎంపీ ఉండవల్లి అరుణ్ కుమార్ అన్నారు. అయితే, ధృతరాష్ట్ర కౌగిలి నుంచి కూడా తప్పించుకోవచ్చన్నారు. అదేసమయంలో పవన్ కళ్యాణ్ వంటి శ్రీకృష్ణుడు కూడా ఉంటారన్నారు.
ఇందులోభాగంగా, జేపీతో పవన్ భేటీ కాగా, పవన్‌తో ఉండవల్లి అరుణ్ కుమార్ సమావేశమయ్యారు. ఆ తర్వాత సోమవారం ఉండవల్లి, జేపీలు సమావేశమై అన్ని అంశాలపై చర్చించారు. ఇందులో వామపక్ష నేత రామకృష్ణ కూడా పాలుపంచుకున్నారు.
ఈ సందర్భంగా ఉండవల్లి అరుణ్ కుమార్ మాట్లాడుతూ, తనది ధృతరాష్ట్ర కౌగిలి అంటూ బిరుదు ఇచ్చిన మంత్రికి ధన్యవాదాలు అంటూనే.. ఆ ధృతరాష్ట్ర కౌగిలి నుంచి తప్పించుకోవచ్చన్నారు. అలాగే, పవన్ లాంటి శ్రీకృష్ణుడు కూడా ఉంటారని గుర్తు చేశారు. ఈ నెల 18వ తేదీన విజయవాడలో రౌండ్ టేబుల్ సమావేశం ఏర్పాటు చేయనున్నట్టు తెలిపారు. ఇందులో అన్ని వర్గాల నుంచి సమాచారాన్ని సేకరిస్తామన్నారు.
