కాగా, వైట్‌ హౌస్‌ను వీడే సమయంలో తన చివరి సందేశాన్నిచ్చిన ట్రంప్‌..తాను మరల వైట్‌ హౌస్‌కు వస్తానంటూ వ్యాఖ్యానించిన సంగతి విదితమే. దేశం కోసం శ్రమించేందుకు లక్షలాది మంది ఉన్నారని, మనమంతా కష్టించి దేశ చరిత్రలోనే ఓ గొప్ప రాజకీయ ఉద్యమాన్ని చేపట్టామని,. ఈ ఉద్యమం అంతం కాదు. ఆరంభం మాత్రమే' అంటూ ట్వీట్‌ చేశారు.
కఠినమైన నిర్ణయాలు, తీవ్ర పోరాటాలెన్నో చేశానని, మీ అవసరాలే తన మొదటి ప్రాధాన్యంగా భావిస్తానని అన్నారు. అదేవిధంగా వీడ్కోలు సందేశంలో కూడా కొత్త పాలక బృందానికి శుభాకాంక్షలు తెలిపారు. ఆ ప్రసంగం మొత్తంలో కనీసం బైడెన్‌ పేరు ఎత్తనే లేదు.
అమెరికా సుభిక్షంగా, భద్రంగా ఉంచడంలో కొత్త బృందానికి శుభాకాంక్షలను తెలియజేస్తూ...వారికి అదృష్టం కూడా కలిసి రావాలని కోరుకుంటున్నట్లు చెప్పారు. అదే విధంగా తన హాయాంలో సాధించిన కొన్ని విజయాలను వల్లె వేసుకున్నారు.
