పాము అంటేనే ఆమడ దూరం పారిపోతాం. అలాంటిది ఆ పాము పడకగదిలోకి వస్తే.. ఇంకేమైనా వుందా.. అంతే గుండె ఆగిపోతుంది. అలాంటి ఘటనే సింగపూరులో చోటుచేసుకుంది. పడక గదిలో నాగుపాము ఉందని, రక్షించండి అంటూ రెస్క్యూ టీమ్‌కు ఓ మహిళ ఫోన్ చేసిన వింత ఘటన సింగపూర్ దేశంలో వెలుగుచూసింది.
తన పడకగదిలో మంచం దగ్గర ఉన్న అల్మారాలో నాగుపాము ఉందని, పాము హిస్సింగ్ శబ్ధం వినిపిస్తుందని, దీన్ని రికార్డు చేసి పంపించి, తనను పాము బారి నుంచి కాపాడాలని కోరుతూ సింగపూర్ దేశానికి చెందిన జియాన్ అనే మహిళ రెస్క్యూ హాట్ లైన్‌కు ఏడుస్తూ ఫోన్ చేసింది.
