శృంగారంలో పాల్గొనలేదనే కోపంతో ఓ భార్య తన భర్తను చితకబాదింది. సోషల్ మీడియాలో వైరల్‌గా మారిన ఈ సంఘటన అమెరికాలోని ఒహాయో రాష్ట్రంలో చోటుచేసుకుంది. భర్తపై దాడి చేయడమే కాకుండా ఏకంగా పోలీసులకు తానే స్వయంగా ఫోన్ చేసి భర్త తనపై దాడి చేస్తున్నాడంటూ ఫిర్యాదు చేసింది. బాధితురాలి ఫోన్ మేరకు పోలీసులు హుటాహుటిన వాళ్ల ఇంటికి వెళ్లారు.
అయితే అక్కడికి వెళ్లిన పోలీసులు ఆమెను గమనించారు. అయితే ఆమె ఒంటిపై ఒక్క దెబ్బ కూడా లేకపోవడంతో అనుమానంతో పోలీసులు ఇంటిలోని పిల్లలను ఏం జరిగింది అని అడగ్గా దానికి సమాధానంగా పిల్లలు మా డాడీ ఎలాంటి దాడి చేయలేదని, మా మమ్మీయే డాడీపై దాడి చేసిందని చెప్పారు. దాడికి సంబంధించి భర్తను వివరాలు అడిగిన పోలీసులు భర్త చెప్పిన విషయాలు విని షాక్ అయ్యారు.
తన భార్య ఫుల్లుగా మందుతాగి మత్తులో ఉందని, ఆ మత్తులో తన వద్దకు వచ్చి శృంగారంలో పాల్గొనాలని అతి బలవంతం చేసినట్లు చెప్పాడు. తన పిల్లల ముందు భార్య ప్రవర్తన చూసిన భర్త ఆమె అడిగిన దానికి తిరస్కరించానని చెప్పాడు.
