Naveen Chandra: డాక్టర్స్ ప్రేమ కథ గా 28°C, చాలా థ్రిల్లింగ్ అంశాలున్నాయి : నవీన్ చంద్ర

Naveen Chandra, Dr. Anil Viswanath, Sai Abhishek, Niranjan

"పొలిమేర" చిత్రం ఫేమ్ దర్శకుడు డా. అనిల్ విశ్వనాథ్ మొదటి సినిమా "28°C". ఇది ఏప్రిల్ 4న గ్రాండ్ థియేట్రికల్ రిలీజ్ కు రెడీ అవుతోంది. నవీన్ చంద్ర హీరోగా షాలినీ వడ్నికట్టి హీరోయిన్ గా కనిపించనుంది. వీరాంజనేయ ప్రొడక్షన్స్ బ్యానర్ పై  సాయి అభిషేక్ నిర్మిస్తున్నారు. ఈ రోజు ఈ సినిమా ట్రైలర్ రిలీజ్ ఈవెంట్ హైదరాబాద్ లో ఘనంగా నిర్వహించారు.

హీరో నవీన్ చంద్ర మాట్లాడుతూ, 2018లో దర్శకుడు అనిల్ విశ్వనాథ్ నాకు ఈ కథ చెప్పాడు. కథ వినగానే ఇంప్రెస్ అయ్యాను. 2019లో సినిమా ఫినిష్ చేసి రిలీజ్ చేయాలని ప్లాన్ చేశాం. అయితే కోవిడ్ వల్ల అప్పటి పరిస్థితులు ఎలా ఉండేవో మీ అందరికీ తెలుసు. ఓటీటీ ఆఫర్స్ వచ్చినా మా ప్రొడ్యూసర్ సాయి అభిషేక్ ఇవ్వలేదు. థియేటర్ లోనే ఈ సినిమాను రిలీజ్ చేయాలని పట్టుదలగా ఉన్నారు. డాక్టర్స్ అయిన ఓ జంట ప్రేమ కథ ఇది. చాలా ఫ్రెష్ లవ్ స్టోరీ, కథలో చాలా థ్రిల్లింగ్ ఎలిమెంట్స్ ఉంటాయి. "28°C"లోనే హీరోయిన్ క్యారెక్టర్ ను ఉంచాలి లేకుంటే తనకు ప్రాబ్లమ్ అవుతుంది. ఈ పాయింట్ విన్నప్పుడు ఎగ్జైటింగ్ గా అనిపించింది. వంశీ నందిపాటి గారు ఈ సినిమాను రిలీజ్ చేస్తుండటం సంతోషంగా ఉంది. ఏప్రిల్ 4వ తేదీన థియేటర్స్ లో "28°C" సినిమాను చూడండి మీకు బాగా నచ్చుతుంది. అన్నారు.

నిర్మాత సాయి అభిషేక్ మాట్లాడుతూ,  కోవిడ్ టైమ్ లో సినిమాను రిలీజ్ చేయలేకపోయాం. అయితే మా సినిమాను ఓటీటీ కంటే బిగ్ స్క్రీన్ మీదకు తీసుకురావాలనే పట్టుదలగా ఉన్నాం. నా కో ప్రొడ్యూసర్స్ కూడా సపోర్ట్ చేశారు. మేమంతా వెయిట్ చేసి థియేట్రికల్ రిలీజ్ కు ఏప్రిల్ 4న తీసుకొస్తున్నాం. సినిమాను థియేటర్స్ లో చూసిన ఫీల్ వేరుగా ఉంటుంది అన్నారు.

డైరెక్టర్ డా.అనిల్ విశ్వనాథ్ మాట్లాడుతూ - దర్శకుడిగా నేను చేసిన తొలి సినిమా. నా ఫిల్మోగ్రఫీలో కొన్ని పేజీలు ఉండొచ్చు కానీ "28°C" మూవీ మాత్రం నాకు చాలా స్పెషల్. ఈ సినిమాకు నేను చేసిన జర్నీ గురించి ఆ తర్వాత ఒక పుస్తకమే రాస్తాను. బ్యూటిఫుల్ లవ్ స్టోరీ ఇది. థ్రిల్లింగ్ ఎలిమెంట్స్ ఉంటాయి. హీరో హీరోయిన్స్ జంట మధ్య అనుకోని  ఓ సమస్య వస్తే దానిని వారు ఎలా ఫేస్ చేశారు అనేది ఆసక్తికరంగా ఉంటుంది. సినిమా చివరి 20 నిమిషాలు మీరు ఎక్స్ పెక్ట్ చేయలేరు. అంత కొత్తగా ఉంటుంది.  

ఈ సినిమాను చూసిన నా ఫ్రెండ్ వంశీ నందిపాటి ఇంతమంచి మూవీని రిలీజ్ చేయకుండా ఎలా ఉన్నారని అడిగి తనే రిలీజ్ చేసేందుకు ముందుకొచ్చారు. ఈ క్రమంలో నాకు హీరో నవీన్ చంద్ర, ప్రొడ్యూసర్ అభిషేక్ చాలా సపోర్ట్ చేశారు. ఫైనల్ గా ఏప్రిల్ 4వ తేదీన మా "28°C" చిత్రాన్ని మీ ముందుకు తీసుకొస్తున్నాం. మీ అందరినీ సినిమా ఆకట్టుకుంటుందని కోరుకుంటున్నా. పొలిమేర 2 సినిమా కంటే అన్ని విషయాల్లో 15 రెట్లు బిగ్ స్కేల్ లో పొలిమేర 3 ఉంటుంది. కథ చాలా బాగా వచ్చింది. సీజీ, ప్రీ ప్రొడక్షన్ జరుగుతోంది. ఆగస్టు లేదా సెప్టెంబర్ లో మూవీని సెట్స్ మీదకు తీసుకెళ్తాం.  అన్నారు.