టాలీవుడ్ హీరో రానా, మిహీకా ఇంట్లో పెళ్లి భాజాలు మోగనున్నట్లు తెలుస్తోంది. తాజాగా ముహూర్తం ఆగస్టు 8 అని తెలుస్తోంది. కరోనా పరిస్థితుల దృష్ట్యా తమ పెళ్లిని నిరాడంబరంగా చేసుకోవాలనుకుంటున్నట్లు సమాచారం. పెళ్లి వేదిక ఎక్కడనేది ఇంకా తెలియరాలేదు. ఈ వేడుకకు వారి ఇరు కుటుంబాల్లోని అత్యంత సన్నిహితులను మాత్రమే ఆహ్వానించనున్నట్లు తెలుస్తోంది.
హీరో రానా దగ్గుబాటి తన ప్రేమ వ్యవహారాన్ని ఓపెన్‌గా చెప్పి టాలీవుడ్‌కు షాకిచ్చిన సంగతి తెలిసిందే. మిహిక బజాజ్‌తో ప్రేమలో ఉన్న రానా తమ ఇద్దరి ప్రేమను ఇరు వైపులా అంగీకరించడంతో వీరి ప్రేమ పెళ్లి వరకు వెళ్ళింది. అయితే ఈ నెల 21న రానా, మిహికా బజాజ్ నిశ్చితార్ధం జరిగింది. దీనికి సంబంధించిన ఫోటోలు సోషల్ మీడియాలో పోస్ట్ చేశారు.
