బాలీవుడ్ హీరో సుశాంత్ సింగ్ ఆత్మహత్య కేసులో డ్రగ్స్ కోణం వెలుగు చూసింది. సుశాంత్‌కు మాదకద్రవ్యాలు సరఫరా చేసేందుకు బాలీవుడ్ నటి, సుశాంత్ ప్రియురాలు ఏకంగా డ్రగ్స్ వ్యాపారులతో సంబంధాలు పెట్టుకుంది. ఈ విషయం నార్కోటిక్స్ కంట్రోల్ బ్యూరో అధికారుల విచారణలో బట్టబయలైంది. దీంతో ఆమెను ఎన్.సి.బి అరెస్టు చేసింది. ఆ తర్వాత ఆమెను కోర్టులో హాజరుపరచగా 14 రోజుల రిమాండ్ విధించింది. దీంతో ఆమెను ముంబైలోని బైకులా జైలుకు తరలించారు.
అయితే, ఈ జైలులో తన ప్రాణాలకు ముప్పువుందని పేర్కొంటూ బెయిల్‌కు దరఖాస్తు చేశారు. దీన్ని విచారించిన మేజిస్ట్రేట్ కోర్టు కొట్టివేసింది. దాంతో ఆమె బుధవారమమే తన న్యాయవాది ద్వారా ఎన్డీపీఎస్ న్యాయస్థానంలో తాజాగా బెయిల్ కోసం దరఖాస్తు చేసుకున్నారు.
