పారిస్ వేదికగా జరుగుతున్న ఒలింపిక్స్ క్రీడా పోటీల్లో భారత బ్యాడ్మింటన్ స్టార్ లక్ష్యసేన్ చరిత్ర సృష్టించాడు. పురుషులు సింగిల్స్ బ్యాడ్మింటన్ విభాగంలో సెమీ ఫైనల్‌లోకి అడుగుపెట్టారు. చైనీస్ తైపీ ప్లేయర్ తియర్ చెన్ చౌపై 1-21, 21-15, 21-12 తేడాతో విజయభేరీ మోగించి సెమీ ఫైనల్‌లోకి అడుగుపెట్టారు. దీంతో పురుషుల బ్యాడ్మింటన్ సింగిల్స్‌లో ఫైనల్‌కు చేరిన తొలి భారతీయ ఆటగాడికా చరిత్ర సృష్టించాడు. అంతేకాకుండా ఒలింపిక్స్ క్రీడా పతకానికి అడుగు దూరంలో నిలిచాడు.
రసవత్తరంగా జరిగిన ఈ మ్యాచ్ ఓపెనింగ్ సెట్లో 21-19 తేడాతో లక్ష్య సేన్ ఓడిపోయినప్పటికీ ఆ తర్వాతి రెండు గేమ్‌లలో అద్భుతంగా పుంజుకున్నాడు. రిటర్న్ సర్వ్‌ను మెరుగుపరుచుకుని చూడచక్కనైన షాట్లోతా ఆలరించాడు. ప్రత్యర్థి ఆటగాడి షాట్లను తెలివిగా అంచనా వేసి రెండో సెట్లో 21- 15తో గెలిచి ఆత్మవిశ్వాసాన్ని కూడగట్టుకున్నాడు.
పారిస్ ఒలింపిక్స్ బ్యాడ్మింటన్ విభాగంలో లక్ష్యసేన్ మాత్రమే ప్రస్తుతం నిలిచాడు. మిగతా భారత ప్లేయర్లు ఇప్పటికే ఇంటిముఖం పట్టారు. గురువారం జరిగిన క్వార్టర్-ఫైనల్ రౌండ్లో చేతిలో హెచ్ఎస్ ప్రణయ్ ఓటమిపాలయ్యాడు. రెండుసార్లు ఒలింపిక్ పతక విజేత అయిన పీవీ సింధు కూడా రౌండ్-16 దశలోనే నిష్క్రమించింది. ఇక పురుషుల డబుల్స్ క్వార్టర్-ఫైనల్స్‌లో సాత్వికా సాయిరాజ్ రంకి రెడ్డి - చిరాగ్ శెట్టి కూడా అనూహ్య రీతిలో ఓటమిపాలైన విషయం తెల్సిందే.
